قصه روعه الجزء الثاني للكاتبة يارا عبد السلام
لي ساب فريده وولاده لي
حسن بصله بحزن والم
انا اسف يا يحيي اسف على كل اللي عملته فيك زمان عن خيانتي وعن حبي لنفسي وعن كل حاجه عملتها وعن الشغل اللي خدته منك وعن فريده كمان انا كان كل همى انى اخد الحاجه اللي انت بتحبها وبس ومكنش هاممني انا بحبها ولا لا بس فريده لو كانت معاك كان هيبقى الوضع احسن دلوقتي انا بجد اسف جرحتك وجرحتها وولادي جرحتهم وابني اتولد بعيد عني واول لما شافني افتكرني حرامي نا اسف
الاسف مش هيفيد بحاجه دلوقتي يا حسن اللي هيفيد بجد انك تكون فعلا اتغيرت وتعرف ترجع
ولادك لحضنك وفريده تسامحك عن الچرح اللي سببتهولها
والله انا هعمل كدا وهبذل كل طاقتي في أنهم يسامحوني انا بجد تعبان اوووي ومراتي التانيه اللي اديتها كل حاجه خدت فلوسي وسابتني واتجوزت واحد تاني انا بجد كل لما افتكر اني سبت فريده وعيالي علشانها بستحقر نفسي اوووي
حسن لما مسح دموعه سأله
انت عرفت كل دا منين
يحيي ابتسم وقاله اصل انا ويحيي ابنك شركا هنا وغير كدا أن شقتي قدامهم من ساعت مارجعوا وانت سبتهم
فارس ابنك مولود على ايدي ويحيي اشتغل معايا وكبر نفسه بنفسه ودلوقتي في كليه هندسه ونور القمر بتاعتنا في تانيه ثانوى وغير كدا فريده اللي بتدعم ولادها دائما وحقيقي تستحق لقب الام المثاليه
يحيي اللي صمم يصرف على اخواته وأمه موافقش أنها تشتغل اشتغل هوا واتكفل بمصاريفهم وفعلا كان راجل وقد المسئوليه صعب ان الواحد يلاقي طفل في سنه بيفكر كدا حقيقي ذكى وشاطر في الشغل والدراسه
ربنا يحميه ويحفظه
الو ايوا انا
اي!
يحيي في المستشفي عامل حاډثه
حسن اول مره يحس بقبضه في قلبه وخوف مش عارف اي مصدره يحيي طلع يجري وحسن وراه حاسس ان الدنيا بتلف بيه ابنه عمل حاډثه قبل ميشوفه ويسامحه
يحيي وصل المستشفي وهوا قلبه بيدق پخوف شديد
سال عن الأوضه اللي يحيي فيها وعرف المكان وراح جري
قرب منه بقلق وهوا خاېف عليه وحسن كان واقف مذهول من يحيي وهيئته وأنه باين عليه فعلا أنه راجل وملو هدومه
يحيي حبيبي انت كويس
ايوا يا عمو يحيي والله كويس انا بس ايدي انكسرت وغرزتين في دماغي متقلقش ابنك بطل
بطل اي بس بلا نيله انت متشلفت خالص انا قلبي هيقف من الخضه
لا طبعا مش هقولها دلوقتيلما تروح انت اللي هتقولها علشان تتعامل
وضحكوا سوا
كل دا وحسن واقف واتمني انوا يكون مكان يحيي وابنه يكون بيحبه كدا بس اساسا ابنه كارهه
يحيي ابنه بص عليه واټصدم لما شافه والدموع اتجمعت في عينيه وكل الذكريات اتجمعت في دماغه
ونطق كلمه واحده
بابا
حسن بصله بدموع وكسره وۏجع
يحيي ضغط على أيده بعصبيه وضغط على سنانه واعصابه أنشدت واحمر
وتتكلم بعصبيه وصوت مبوح وعينيه حمرا
انت اي الي جابك هنا جيت لى جاي لي جاي بعد عشر سنين تعمل اي وبتعمل اي هنا انا مش
عاوزك
حسن الدموع اتجمعت في عينيه وبصله
يا ابني
انا مش ابنك متنطقهاشانا مش ابنك ولا انت ابويا انت رميتنا زمان وجاي تقولى يا ابني ابنك اي انت تعرف معنى الكلمه دي اصلا اللى يعرف معناها فعلا واقف قدامك اهو هوا دا حقيقي اللي يعرف معناها عرفت مين يستحقها
اتفضل روح مكان ما جيت ومتتعشمش أننا ممكن تسامحك لانى عمري مهسامحك يا بابا عمرياتفضل
يحيي زعق وسكته
يحيي متنساش ان دا ابوك ربنا قالك تعلي صوتك على ابوك فين القران اللي انت حافظه
وهوا فين من كل دا هوا فين هوا مين اصلا انت مش زيه لي قولى هوا كل
الابهات بترمي عيالها كدا معتقدش يا عمو يحيي
يحيي سكت مش عارف يرد كلامه كلو صح
حسن خد بعضه ومشي بكل هدوء
ويحيي حس انو زودها معاه وبعد لوم يحي ليه عرف أنه غلطان وأنه مهما عمل راجع وندمان كان لازم عالاقل يسمعه !
يحيي خلص وروح البيت وجت المواجهه التانيه بينه وبين أمه اللي هتشوفه بالوضع دا وغير كدا هيقولها ازاي أنه شاف أبوه بعد عشر سنين وأنه راجع وعاوزهم يسامحوووه
يحيي دخل البيت
فريده كانت في صراع غريب بينها وبين نفسها بتفكر فاللي حصل وحسن وكلامه وكل حاجه وبتفكر برضو هتقول ليحيي ازاي !
اول لما يحيي دخل عليها قامت مخضوضه وفضلت ټعيط لما شافته كدا
وهوا فضل يهدي فيها لحد ما هديت
انت كويس اي اللي حصلك دا ومن اي فيك حاجه تانيه يا عمري من اي دا كله
يا ست الكل انا كويس والله بس حاډثه خفيفه كدا
ازاي
كنت بقالي يومين مطبق ومش شايف قدامي ركبت العربيه وعيني زغللت فدخلت في الرصيف وانا مش واخد بالي بس
طيب بص بقى مفيش حكايه تطبق دي تاني ولما تلاقي نفسك تعبان مش قادر تسوق تعالى مواصلات الا مش هخرجك من البيت خالص
لا وعلى اي انتي تؤمري يا ست الكل
تسلملي يا عمري
انا هدخل اغير علشان ريحتي كلها بنج
ماشي وانا هحضرلك الغدا
ماشي
فريده دخلت تحضر الغدا وهي بتفكر هتقوله ازاي
وهوا كذالك كانت بيلبس وبيفكر هيقولها ازاي
عند حسن
بعد لما خرج من المستشفى
حس بتعب وان عياله مستحيل يتقبلوه وحس أن الدنيا بتلف بيه
ووصل المكان اللي عايش فيه
وقعد على القهوه وطلب شاي
وكان قاعد باصص في الفراغ وتعبان
وفجاه سمع التليفزيون بيعرض اخبار عن چريمه قتل في القاهره في الحي اللي كان عايش فيه والفضول خلاه يبص واټصدم من اللي شافه!
معقول
